"Qarabağ" Türkiyənin Antalya bölgəsindəki təlim-məşq toplanışında sonuncu yoxlama oyununu keçirib.
Sportnet.az-ın məlumatına görə, Ağdam təmsilçisi Polşanın "Visla" (Krakov) komandası ilə qarşılaşıb. Görüşdə qapılara qol vurulmayıb. 53-cü dəqiqədə "köhlən atlar"ın qapıçısı Emil Balayev rəqibin penalti zərbəsini dəf edib.
Qurban Qurbanovun baş məşqçi olduğu komanda günün ilk yarısında Çexiyanın "Bohemians" kollektivi ilə üz-üzə gəlməli olsa da, qarşılaşma qara görə ləğv olunub.
Qeyd edək ki, "Qarabağ" Antalyadakı ilk matçında Rumıniyanın "Qaz Metan" klubu ilə qolsuz heç-heçə edib. Ağdam təmsilçisi ikinci sınağında Serbiyanın "Baçka Topola" klubuna 0:1, üçüncü görüşündə Polşa "Şlyonsk"una 2:3 hesabı ilə uduzub.
-----------------------------------------
Türkiyənin Antalya bölgəsində təlim-məşq toplanışında olan "Sabah" sonuncu yoxlama oyununu keçirib.
Sportnet.az-ın məlumatına görə, paytaxt təmsilçisi Serbiyanın “Mladost” (Luçani) komandası ilə üz-üzə gəlib. Razılığa əsasən, qarşılaşma 3 hissədən ibarət olub. İlk iki hissənin hərəsi 45 dəqiqə, sonuncu isə 30 dəqiqə davam edib.
Görüş 1:1 hesablı bərabərliklə başa çatıb. Bakı klubu 53-cü dəqiqədə Coy-Lens Mikelsin qolu ilə hesabı açsa da, yekunda qələbəni əldən verib.
Qeyd edək ki, "Sabah" Antalya toplanışındakı əvvəl iki görüşdə Macarıstan "Pakş"ı və Ukrayna "Zarya"sı ilə də 1:1 hesablı heç-heçə edib.
--------------------------------------------
Türkiyənin Antalya bölgəsində təlim-məşq toplanışında olan Azərbaycan klubları bu gün sonuncu yoxlama oyunlarını keçirəcəklər.
Sportnet.az xəbər verir ki, "Qarabağ" günün ilk yarısında Çexiyanın "Bohemians" kollektivi ilə üz-üzə gələcək. Qarşılaşma Bakı vaxtı ilə saat 12:00-da start götürəcək.
"Köhlən atlar" toplanışa Polşanın "Visla" (Krakov) komandasına qarşı görüşdə yekun vuracaqlar. Bu görüş isə Bakı vaxtı ilə saat 18:00-da başlayacaq.
"Sabah" sonuncu matçında Serbiyanın “Mladost” (Luçani) komandası ilə üz-üzə gələcək. Oyun saat 17:00-a təyin edilib.
Qeyd edək ki, "Qarabağ" Antalyadakı ilk matçında Rumıniyanın "Qaz Metan" klubu ilə qolsuz heç-heçə edib. Ağdam təmsilçisi ikinci sınağında Serbiyanın "Baçka Topola" klubuna 0:1, üçüncü görüşündə Polşa "Şlyonsk"una 2:3 hesabı ilə uduzub. "Sabah" isə Macarıstan "Pakş"ı və Ukrayna "Zarya"sı ilə 1:1 hesablı heç-heçə edib.
Yoxlama oyunları
17:00. "Sabah" - "Mladost" Luçani (Serbiya) - 1:1
Qol: Coy-Lens Mikels, 53
"Sabah"ın start heyəti: 1. Səlahət Ağayev, 2. Amin Seydiyev, 34. Bəxtiyar Həsənalızadə, 7. Nikolay Boçko, 14. Slavik Alxasov, 4. Elvin Camalov, 17. Xuan Kamara, 10. Aleksey İsayev, 20. Coy-Lens Mikels, 29. Ceyhun Nuriyev, 9. Xulio Rodriqes.
17:45. "Qarabağ" - "Visla" (Krakov, Polşa) - 0:0
"Qarabağ"ın start heyəti: 23. Luka Quqeşaşvili, 29. Marko Veşoviç, 5. Maksim Medvedev, 81. Kevin Medina, 27. Toral Bayramov, 2. Qara Qarayev, 18. İsmayıl İbrahimli, 19. Filip Ozobiç, 20. Kadi Borges, 10. Abdullah Zubir, 25. İbrahima Vadji
