İngiltərənin "Mançester Yunayted" klubunun futbolçusu Kriştianu Ronaldu cari mövsümü titulsuz başa vuracaq.
Sportnet.az xəbər verir ki, bu, "qırmızı şeytanlar"ın Premyer Liqanın XXXII turunda səfərdə "Everton"a 0:1 hesabı ilə uduzmasından sonra dəqiqləşib. Mankunyanlar bu məğlubiyyətlə çempionluq şansını itiriblər.
Hazırda 51 xalla 7-ci pillədə qərarlaşan komanda sona 7 tur qalmış lider "Mançester Siti"dən 22 xal geridədir.
Qeyd edək ki, Kriştianu Ronaldu klub səviyyəsində ilk titulunu 2006-cı ildə "Mançester Yunayted"in heyətində İngiltərə Liqa Kubokunu qazanmaqla əldə edib.
