UEFA Avropa Liqasında yarımfinal mərhələsinin bütün iştirakçıları bəlli olub.
Sportnet.az-ın məlumatına görə, son olaraq Şotlandiya "Reyncers"i adını növbəti mərhələyə yazdırıb.
Qlazqo təmsilçisi 1/4 finalın cavab oyununda Portuqaliya "Braqa"sı ilə qarşılaşıb. Görüşün əsas vaxtı meydan sahiblərinin 2:1 hesablı qələbəsi ilə başa çatıb. İlk matçda portuqaliyalılar minimal hesabla qalib gəldiyindən əlavə vaxt oynanılıb. 101-ci dəqiqədə daha bir qol vuran Şotlandiya təmsilçisi yekunda 3:1 hesablı qələbəyə sevinib.
Beləliklə, yarımfinalda "Reyncers" və İngiltərə "Vest Hem"i müvafiq olaraq, Almaniyanın "Leyptsiq" və "Ayntraxt" klubları ilə üz-üzə gələcək.
Qeyd edək ki, yarımfinal qarşılaşmaları aprelin 28-də və mayın 5-də olacaq.
------------------------------------
UEFA Avropa Liqasında yarımfinalın daha 2 iştirakçısı bəlli olub.
"Report"un məlumatına görə, 1/4 finalın cavab oyunlarından sonra Almaniya "Leyptsiq"i ilə yanaşı, bu ölkənin digər təmsilçisi "Ayntraxt" və İngiltərə "Vest Hem"i növbəti mərhələyə vəsiqə əldə edib.
Gecənin sensasiyası İspaniyada qeyd alınıb. Evdə "Ayntraxt"a 2:3 hesabı ilə uduzan "Barselona" mübarizəni dayandırıb. "Vest Hem" isə Fransada "Lion"a qalib gəlib.
Şotlandiyada "Reyncers" və Portuqaliya "Braqa"sı arasında keçirilən oyunun əsas vaxtı meydan sahiblərinin 2:1 hesablı qələbəsi ilə başa çatıb. İlk matçda portuqaliyalılar minimal hesabla qalib gəldiyindən görüşdə əlavə vaxt oynanılır.
---------------------------------
UEFA Avropa Liqasında yarımfinalın ilk iştirakçısı bəlli olub.
"Report"un məlumatına görə, 1/4 final mərhələsinin cavab oyununda İtaliyada "Atalanta"nı 2:0 hesabı ilə məğlub edən Almaniya "Leyptsiq"i adını növbəti raunda yazdırıb. Qolları 18-ci və 87-ci dəqiqələrdə Kristofer Nkunku vurub. İlk görüşdə qalib müəyyənləşməmişdi.
Bundesliqa təmsilçisi finala gedən yolda "Braqa" (Portuqaliya) - "Reyncers" (Şotlandiya) cütünün güclüsü ilə üz-üzə gələcək. Yarımfinal qarşılaşmaları aprelin 28-də və mayın 5-də olacaq.
Qeyd edək ki, 1/4 finalın digər 3 cavab oyunu Bakı vaxtı ilə saat 23:00-da başlayacaq.
-----------------------------------
Bu gün UEFA Avropa Liqasında 1/4 final mərhələsinin cavab oyunları keçiriləcək. Sportnet.az-ın məlumatına görə, bütün görüşlər eyni gündə baş tutacaq.
Gecənin ilk matçı İtaliyada "Atalanta" və Almaniya "Leyptsiq"i arasında olacaq. İlk qarşılaşmada qalib müəyyənləşməyib.
İspaniya "Barselona" evdə Almaniyanın "Ayntraxt" klubunu qəbul edəcək. Frankfurtdakı görüşdə heç-heçə qeydə alınıb.
İngiltərə "Vest Hem"i Fransada "Lion"un qonağı olacaq. Bu komandaların da ilk dueli bərabərliklə başa çatıb. Portuqaliya "Braqa"sı isə Şotlandiya "Reyncers"lə üz-üzə gələcək. Qonaqlar evdəki matçda minimal hesablı qələbə qazanıb.
Avropa Liqası, 1/4 final
Cavab oyunları
14 aprel
20:45. "Atalanta" (İtaliya) - "Leyptsiq" (Almaniya) - 0:2
Qol: Kristofer Nkunku, 18. 87 (pen.)
İlk oyun - 1:1
23:00. "Barselona" (İspaniya) - "Ayntraxt" (Almaniya) - 2:3
Qollar: Serxio Busgets, 90+1 - Filip Kostiç, 4; 67 (pen.). Rafael Borre, 36
İlk oyun - 1:1
23:00. "Lion" (Fransa) - "Vest Hem" (İngiltərə) - 0:3
Qollar: Kreyq Douson, 38. Deklan Rays, 44. Carrod Bouen, 48
İlk oyun - 1:1
23:00. "Reyncers" (Şotlandiya) - "Braqa" (Portuqaliya) - 3:1 (ƏLAVƏ VAXTDA - 1:0)
Qollar: Ceyms Tavernye, 2; 44 (pen.). Kemar Ruf, 101 - David Karmu, 83
Qırmızı vərəqə: Vitor Tormena, 43, Yuri Madeyruş, 105 (hər ikisi "Braqa")
İlk oyun - 0:1
