"35 ildi "Neftçi"nin azarkeşiyəm. 1979-cu ildə 6 yaşlı Bəhram olaraq, 36 ildən sonra "Neftçi"nin işində görkəmli şəxslərlə birgə iştirak edəcəyimi bilmirdim". Sportnet.az-ın məlumatına görə, bu sözləri jurnalistlərə açıqlamasında aktyor Bəhram Bağırzadə deyib.
"Neftçi" Müşahidə şurasına üzv seçilən Bağırzadə azarkeşləri stadiona cəlb etməkdən söz açıb: "Bunu hələ yeniyetmə yaşlarımdan bilirəm. İçəridəki problemləri də bilirəm. Mən də klubların adlarının dəyişdirilməsi ilə razıyam. Məncə "Neftçi" "Bakcell Arena"da oynayacaqsa, o radiusdan azarkeşləri toplamaq lazımdır. Bunu etmək üçün vaxt lazımdır".
