UEFA Çempionlar Liqasında ilk turun qarşılaşmalarından sonra həftənin oyunçusu adına namizədləri açıqlayıb.
Sportnet.az-ın məlumatına görə, fəxri ada Kilian Mbappe (PSJ, Fransa), Robert Levandovski ("Barselona", İspaniya), Pyotr Zelinski ("Napoli", İtaliya) və Leroy Sane ("Bavariya", Almaniya) iddia edir.
PSJ evdə İtaliya "Yuventus"una 2:1, "Bavariya" səfərdə "İnter"ə 2:0 hesabı ilə qalib gəlib. "Napoli" İngiltərə "Liverpul"unu 4:1, İspaniya "Barselona"sı isə Çexiya "Viktoriya"sını 5:1 hesabı ilə darmadağın edib.
Həftənin oyunçusu UEFA-nın rəsmi saytında səsvermə yolu ilə müəyyənləşəcək.
