Futbol üzrə Azərbaycan Premyer Liqasında VII turun daha bir oyunu keçirilib.
Sportnet.az-ın məlumatına görə, "Neftçi" "Asco Arena"da "Səbail"in qonağı olub. Görüş "ağ-qaralar"ın 2:0 hesablı qələbəsi ilə başa çatıb.
Hər iki qol ikinci hissədə vurulub. 53-cü dəqiqədə Emin Mahmudov, 83-cü dəqiqədə isə Gilyerme Pato fərqləniblər.
Bu nəticədən sonra xallarını 18-ə çatdıran "Neftçi" ilk pilləyə yüksəlib. 5 xalı olan "dənizçilər" isə 7-ci sırada qalıb.
Turun açılış matçında "Sabah" evdə "Turan Tovuz"u 3:1 hesabı ilə məğlub edib.
Qeyd edək ki, sentyabrın 17-də "Qəbələ" - "Sumqayıt" oyunu, bir gün sonra isə "Kəpəz" - "Şamaxı" və "Zirə" - "Qarabağ" matçları baş tutacaq.
----------------------------------------
Futbol üzrə Azərbaycan Premyer Liqasında VII tura start verilib.
Sportnet.az-ın məlumatına görə, açılış matçında "Sabah" "Turan Tovuz"u qəbul edib.
"Bank Respublika Arena"dakı qarşılaşma 1 dəqiqəlik sükutla başlayıb. Ermənistanla sərhəddə hərbi əməliyyatlar zamanı şəhid olan Azərbaycan hərbçilərinin xatirəsi yad edilib. Ölkə çempionatında əcnəbi oyunçuların da çıxışı nəzərə alınaraq, diktorlar ermənilərin Daşkəsən, Kəlbəcər, Laçın və Zəngilan istiqamətlərində törətdiyi genişmiqyaslı təxribat, bunun nəticəsində Azərbaycan ordusunun hərbi qulluqçılarının şəhid olması barədə məlumatı ingilis dilində səsləndiriblər.
Qarşılaşma meydan sahiblərinin qələbəsi ilə yekunlaşıb - 3:1. Hesabı 15-ci dəqiqədə paytaxt təmsilçisindən Davit Volkov açıb. 34-cü dəqiqədə Coy Lens Mikels 2-ci topu qonaqların qapısından keçirib. Almaniyalı yarımmüdafiəçi fərqləndikdən sonra əsgər salamı verib. 39-cu dəqiqədə Şakir Seyidov qırmızı vərəqə alaraq, Tovuz təmsilçisini azlıqda qoyub. 81-ci dəqiqədə isə bölgə klubunun hücumçusu Runi Eva fərqlənərək, fərqi minimuma endirib. Əsas vaxta əlavə olunmuş 6-cı dəqiqədə isə Elvin Camalov penaltini dəqiq yerinə yetirərək, yekun hesabı müəyyənləşdiirb.
Bu nəticədən sonra xallarını 16-ya çatdıran "Sabah" liderliyə yüksəlib. 10 xalı olan "Turan Tovuz" isə 4-cü pillədə qalıb.
Günün ikinci matçında "Neftçi" "ASCO Arena"da "Səbail"in qonağı olacaq.
Qeyd edək ki, sentyabrın 17-də "Qəbələ" - "Sumqayıt" oyunu, bir gün sonra isə "Kəpəz" - "Şamaxı" və "Zirə" - "Qarabağ" matçları baş tutacaq.
----------------------------------------------------
Bu gün futbol Misli Premyer Liqasında VII tura start veriləcək.
Sportnet.az-ın məlumatına görə, ilk oyun günündə 2 görüş keçiriləcək.
Günün ilk matçında "Sabah" "Turan Tovuz"u qəbul edəcək. Hazırda paytaxt klubu 13 xalla 3-cü sırada qərarlaşıb. Bölgə təmsilçisi isə 10 xalla 3-cüdür. Komandalar bunadək Premyer Liqada üz-üzə gəlməyiblər.
Günün digər oyununda isə 15 xalla 2-ci pillədə yer alan "Neftçi" 5 xalla 7-ci sırada gedən "Səbail"in qonağı olacaq.
İki komanda indiyədək ölkə çempionatında 19 dəfə qarşılaşıb. Bunların 14-də "ağ-qaralar", 2-də "dənizçilər" qələbə qazanıb. 3 qarşılaşmada qalib müəyyənləşməyib. Topların nisbətində də Laurentsiu Regekampfın baş məşqçi olduğu kollektivin aşkar üstünlüyü var - 41:11.
“Neftçi” son 8 görüşdə qalib gəlib. “Səbail” ardıcıl 12 qarşılaşmada qələbə qazana bilməyib.
16 sentyabr
18:00. "Sabah" - "Turan Tovuz" - 3:1
Qollar: Davit Volkov, 15. Coy Lens Mikels, 34. Elvin Camalov, 90+6 (penalti) - Runi Eva, 81
Qırmızı vərəqə: Şakir Seyidov, 39 ("Turan Tovuz")
Hakimlər: Rauf Cabarov, Cavanşir Yusifov, Kamran Bayramov, Kamranbəy Rəhimov
VAR: Cavid Cəlilov
AVAR: Eyyub İbrahimov
Hakim-inspektor: Zöhrab Qədiyev
"Bank Respublika Arena".
20:30. “Səbail” – “Neftçi” - 0:2
Qol: Emin Mahmudov, 53. Gilyerme Pato, 84
Hakimlər: Əliyar Ağayev, Zeynal Zeynalov, Akif Əmirəli, Fərid Hacıyev
VAR: İnqilab Məmmədov
AVAR: Tural Qurbanov
Hakim-inspektor: Feyzulla Feyzullayev
“ASCO Arena”.
Qeyd edək ki, sentyabrın 17-də "Qəbələ" - "Sumqayıt" oyunu, bir gün sonra isə "Kəpəz" - "Şamaxı" və "Zirə" - "Qarabağ" matçları baş tutacaq.
