Misli Premyer Liqasında XIII tura yekun vurulub.
Sportnet.az-ın məlumatına görə, günün ikinci oyununda "Qarabağ" "Kəpəz"i qəbul edib.
Tofiq Bəhramov adına Respublika Stadionundakı qarşılaşma "köhlən atlar"ın 3:1 hesablı qələbəsi ilə bitib.
Ağdam təmsilçisinin qollarını 16-cı dəqiqədə penaltidən Ramil Şeydayev, 76-cı dəqiqədə Musa Qurbanlı, 79-cu dəqiqədə Kvabena Ovusu vurub. Gəncə klubunun heyətində 75-ci dəqiqədə Yusif Nəbiyev fərqlənib. 88-ci dəqiqədə Musa Qurbanlı penaltidən yararlana bilməyib.
Bu nəticədən sonra xallarının sayını 36-a çatdıran "Qarabağ" liderliyini qorulub. "Kəpəz" 8 xalla 8-ci sırada qalıb.
Qeyd edək ki, günün ilk görüşündə "Sabah" səfərdə "Səbail"i iki cavabsız qolla üstələyib. Turun əvvəlki oyunlarında "Şamaxı" səfərdə "Turan Tovuz"a 3:1, "Qəbələ" evdə "Zirə"yə 1:0 hesabı ilə qalib gəlib, "Sumqayıt" - "Neftçi" matçı isə 2:2 hesablı heç-heçə ilə başa çatıb.
------------------------------
Misli Premyer Liqasında III turun daha bir oyunu keçirilib.
Sportnet.az-ın məlumatına görə, günün ilk matçında "Səbail" "Sabah"ı qəbul edib.
Qarşılaşma qonaqların 2:0 hesablı qələbəsi ilə yekunlaşıb.
Qolları 36-cı dəqiqədə Ceyhun Nuriyev, 47-ci dəqiqədə Aleksey Kaşuk vurub.
"Sabah" qələbə sayəsində xallarının sayını 34-ə çatdırıb və hələlik liderliyə yüksəlib. "Dənizçilər" 10 xalla 7-ci sıradadır.
Qeyd edək ki, günün və turun sonuncu görüşündə "Qarabağ" "Kəpəz"lə üz-üzə gələcək. Turun əvvəlki oyunlarında "Şamaxı" səfərdə "Turan Tovuz"a 3:1, "Qəbələ" evdə "Zirə"yə 1:0 hesabı ilə qalib gəlib, "Sumqayıt" - "Neftçi" matçı isə 2:2 hesablı heç-heçə ilə başa çatıb.
--------------------------------
Bu gün Misli Premyer Liqasında XIII tura yekun vurulacaq.
Sportnet.az-ın məlumatına görə, son oyun günündə 2 qarşılaşma keçiriləcək.
Günün ilk görüşündə 31 xalla 2-ci pillədə qərarlaşan "Sabah" 10 xalla 7-ci sırada gedən "Səbail"in qonağı olacaq. Komandalar indiyədək ölkə çempionatında 16 dəfə qarşılaşıb. Bunun 7-də Murad Musayevin baş məşçqi olduğu komanda, 5-də "dənizçilər" qələbə qazanıb. 4 oyunda qalib müəyyənləşməyib. Topların nisbəti də qonaqların xeyrinədir - 18:13.
“Sabah” son 4 görüşdə qol buraxmayıb. Son 7 matçda qol vuran tərəf qalib gəlib.
Turun son matçında isə "Qarabağ" "Azersun Arena"da "Kəpəz"i sınağa çəkəcək. Hazırda "köhlən atlar" 11 oyundan məksimum nəticə ilə turnir cədvəlinə başçılıq edir. 8 xalı olan "sarı-göylər" isə 8-cidir.
Komandalar bunadək Premyer Liqada 50 dəfə üz-üzə gəliblər. Bu görüşlərdə Ağdam klubu 27, Gəncə təmsilçisi 14 dəfə qalib gəlib. 9 görüş heç-heçə yekunlaşıb. Topların fərqində də son Azərbaycan çempionu üstündür - 68:54.
“Qarabağ” ardıcıl 8 qələbə qazanıb. “Kəpəz” son 5 görüşdə qol vurmayıb.
Misli Premyer Liqası
XIII tur
6 noyabr (bazar)
15:00. “Səbail” – “Sabah” - 0:2
Qollar: Ceyhun Nuriyev, 36. Aleksey Kaşuk, 47
Hakimlər: Əliyar Ağayev, Zeynal Zeynalov, Elşad Abdullayev, Rəşad Əhmədov
Hakim-inspektor: Orxan Məmmədov
“ASCO Arena".
19:00. “Qarabağ” – “Kəpəz” - 3:1
Qollar: Ramil Şeydayev (p), 16. Musa Qurbanlı, 76. Kvabena Ovçusu, 79 - Yusif Nəbiyev, 75
Hakimlər: Rəvan Həmzəzadə, Akif Əmirəli, Cəmil Quliyev, Fərid Hacıyev
Hakim-inspektor: Ömər Paşayev
Tofiq Bəhramov adına Respublika Stadionu.
Qeyd edək ki, turun əvvəlki oyunlarında "Şamaxı" səfərdə "Turan Tovuz"a 3:1, "Qəbələ" evdə "Zirə"yə 1:0 hesabı ilə qalib gəlib, "Sumqayıt" - "Neftçi" matçı isə 2:2 hesablı heç-heçə ilə başa çatıb.
