I Divizionun XVI turunun “Mingəçevir”lə matçının 71-ci dəqiqəsində dili qatlanmış "Neftçi-2"nin futbolçusu Həbib İsmayılov klubun sağlamlıq sponsoru olan “Liv Bona Dea Hospital”da müayinədən keçib.
Sportnet.az xəbər verir ki, bununla bağlı komandanın həkimi Famil Şıxəliyev paytaxt təmsilçisinin rəsmi saytına açıqlamasında bildirib.
Onun sözlərinə görə, KT müayinəsindən sonra İsmayılovun çənəsində zərbədən sonra əmələ gəlmiş sümük kontuziyasi aşkarlanıb. "Boyun nahiyəsində isə heç bir zədə əlaməti müəyyən olunmayıb. Futbolçunun heç bir həyatı təhlükəsi yoxdur. 24 saat həkim nəzarətində qaldıqdan sonra bu gün evə buraxılacaq".
