Misli Premyer Liqasında XXIX turun daha 2 oyunu keçirilib.
Sportnet.az-ın məlumatına görə, günün ilk matçında "ASCO Arena"da "Səbail" "Sabah" komandasını qəbul edib. Görüşdə ilk qolu "dənizçilər" vursa da, qonaqlar ikinci hisssədə hesabı bərabərləşdirib.
Qarşılaşmanın son dəqiqələrində isə "Səbail"in oyunçusu Qoba Zakpa komandasının qələbə qolunu vurub - 2:1.
Görüşün ikinci yarısında qonaqların futbolçusu Con İrasabal birbaşa qırmızı vərəqə alıb.
Bu nəticənin ardından "Səbail" 21 xalla sonuncu pillədən qurtularaq 9-cu pilləyə yüksəlib. "Sabah" isə 65 xalla ikinci sırada yer alır.
Günün son matçında isə "Sumqayıt" "Kapital Bank Arena"da "Neftçi"ni qəbul edib. Görüş qonaqların 4:0 hesablı qələbəsi ilə yekunlaşıb. Matçın 7-ci dəqiqəsində Voislav Stankoviçin qolu ilə önə keçən "ağ-qaralar" qalan 3 qolu fasilədən sonra vurub. Əks-hücumların yekununda Sezar Meza Kolli 64-cü, İsmayıl Zülfüqarlı 83-cü, Kilan Lebon isə 85-ci dəqiqədə fərqlənib.
Bu qələbə sayəsində "Neftçi" xallarını 60-a çatdıraraq, ən azı bürünc medalı və avrokuboklara vəsiqəni təmin edib. "Sumqayıt" isə 24 xalla 8-ci pillədə qalıb.
Misli Premyer Liqası, XXIX tur
8 aprel (şənbə)
20:00. “Sumqayıt” – “Neftçi” - 0:4
Qollar: Voislav Stankoviç, 7. Sezar Meza Kolli, 64. İsmayil Zülfüqarlı, 83. Kilan Lebon, 85
Hakimlər: Rauf Allahverdiyev, Zeynal Zeynalov, Cavanşir Yusifov, Əli Əliyev
Hakim-inspektor: Ramil Diniyev
AFFA nümayəndəsi: Seymur Səlimli
“Kapital Bank Arena”
17:30. “Səbail” – “Sabah” 2:1
Qollar: David Qomis, 28. Qoba Zakpa 90+5 - Emmanuel Apeh, 75-pen.
Qırmızı vərəqə: Con İrasabal, 59 ("Sabah")
Hakimlər: İnqilab Məmmədov, Elşad Abdullayev, Eyyub İbrahimov, Səbuhi Bayramov
Hakim-inspektor: Ömər Paşayev
AFFA nümayəndəsi: Məmmədəli Məmmədov
“ASCO Arena”
Qeyd edək ki, açılış oyununda "Qəbələ" evdə "Zirə"ni yenib - 2:1. Tura aprelin 9-da keçiriləcək "Turan Tovuz" - "Şamaxı" və "Qarabağ" - "Kəpəz" görüşləri ilə yekun vurulacaq.
