Misli Premyer Liqasında XXXI turun ilk 2 oyunu keçirilib.
Sportnet.az xəbər verir ki, Günə Şamaxıda eyniadlı komanda və "Kəpəz" arasındakı qarşılaşma ilə start verilib. Şamaxı şəhər stadionunda təşkil olunmuş matç 1:1 hesablı heç-heçə ilə yekunlaşıb. Bununla da xalını 23-ə çatdıran "Şamaxı" 9-cu, xalını 29-a yüksəldən "Kəpəz" 7-ci pillədə yer alıb.
Günün digər görüşündə "Qarabağ" "Zirə"ni qəbul edib. Çempionatda ilk məğlubiyyətini ötən tur "Sabah"dan alan Ağdam təmsilçisi yenə qələbə qazana bilməyib. İkinci hissədə Marko Yankoviç və Ramil Şeydayevin qolları ilə önə çıxan meydan sahibləri tezliklə Hamidu Keyta və Vladislav Kulaçın dəqiq zərbələrinə əngəl ola bilməyib.
Beləliklə, "Qarabağ" 78 xalla 1-ci, "Zirə" 42 xalla 5-cidir.
Misli Premyer Liqası, XXXI tur
21 aprel (cümə)
16:00. “Şamaxı” – “Kəpəz” - 1:1
Qollar: Emin Zamanov, 34 - Abdullahi Şuaybu, 38
Hakimlər: Elçin Məsiyev, Pərvin Talıbov, Cavanşir Yusifov, İnqilab Məmmədov
Hakim-inspektor: Anar Salmanov
AFFA nümayəndəsi: Maşallah Əhmədov
Şamaxı şəhər stadionu
20:00. “Qarabağ” – “Zirə” - 2:2
Qollar: Marko Yankoviç, 54. Ramil Şeydayev, 59. - Hamidu Keyta, 61. Vladislav Kulaç, 65
Hakimlər: Kamranbəy Rəhimov, Müslüm Əliyev, Şirmamed Mamedov, Kamran Əliyev
Hakim-inspektor: Babək Quliyev
AFFA nümayəndəsi: Asif Əliyev
“Azersun Arena”
Qeyd edək ki, aprelin 22-də XXXI turun "Turan Tovuz" - "Sabah" və "Səbail" - "Neftçi", aprelin 23-də isə "Sumqayıt" - "Qəbələ" görüşləri keçiriləcək.
