Azərbaycan Kubokunda ikinci finalçı müəyyənləşib.
Sportnet.az xəbər verir ki, yarımfinalın cavab matçında "Qarabağ" "Neftçi"ni sınağa çəkib.
Qarşılaşma Ağdam təmsilçisinin qələbəsi ilə bitib - 4:1. "Köhlən atlar"da qolları 16, 69-cu dəqiqələrdə Olavio Juninyo, 74-cü dəqiqədə Nəriman Axundzadə vurub, 62-ci dəqiqədə Qara Qarayev avtoqol müəllifi olub.
64-cü dəqiqədə Rezuan Mirzov "ağ-qaralar"ın təsəlli qoluna imza atıb.
İlk matçda rəqibini 4 cavabsız qolla üstələyən "Qarabağ" finala vəsiqə qazanıb.
Ölkə çempionu iyunun 2-də həlledici görüşdə "Zirə" ilə üz-üzə gələcək.
---------------------------------------
Azərbaycan Kubokunda ilk finalçı müəyyənləşib.
Sportnet.az xəbər verir ki, yarımfinalın ilk cavab görüşündə "Qəbələ" "Zirə"ni qəbul edib.
Qarşılaşma paytaxt klubunun qələbəsi ilə bitib - 2:0. 59-cu dəqiqədə Vladislav Kulaç hesabı açıb. 84-cü dəqiqədə Rafael Utziq ikinci topu meydan sahiblərinin qapısından keçirib.
İlk görüşdə rəqibini 2:1 hesabı ilə üstələyən "Zirə" finala yüksəlib.
Qeyd edək ki, yarımfinalın ikinci cavab qarşılaşmasında "Qarabağ" "Neftçi"ni sınağa çəkəcək. Görüş bu gün saat 20:00-da başlanacaq. İlk dueldə Ağdam təmsilçisi 4 cavabsız qolla qalib gəlib.
--------------------------
Bu gün futbol üzrə Azərbaycan Kubokunda finalçılar bəlli olacaq.
Sportnet.az xəbər verir ki, yarımfinalın cavab matçlarından biri Qəbələdə, digəri Bakıda baş tutacaq.
İlk olaraq "Qəbələ" və "Zirə" komandaları münasibətlərinə aydınlıq gətirəcəklər. Qarşılaşma saat 17:00-da başlayacaq. Bakıdakı ilk görüşdə qəsəbə təmsilçisi qələbə qazanıb - 2:1.
Nəhayət, ikinci finalçının adına Azərbaycan derbisində aydınlıq gələcək. "Qarabağ" - "Neftçi" oyunu saat 20:00-da start götürəcək. İlk dueldə Ağdam klubu rəqibini 4 cavabsız qolla üstələyib.
Azərbaycan Kuboku
Yarımfinal, cavab oyunları
24 aprel
17:00. “Qəbələ” – “Zirə” - 0:2
Qollar: Vladislav Kulaç, 58. Rafael Utziq, 84
Hakimlər: Tural Qurbanov, Müslüm Əliyev, Vüsal Məmmədov, Rauf Allahverdiyev
Hakim-inspektor: Rövşən Əhmədov
AFFA nümayəndəsi: Nəriman Axundov
VAR: Cavid Cəlilov
AVAR: Eyyub İbrahimov
Qəbələ şəhər stadionu
20:00. “Qarabağ” – “Neftçi” - 4:1
Qollar: Olavio Juninyo, 16; 69. Qara Qarayev, 62 (avtoqol). Nəriman Axundzadə, 77 - Rezuan Mirzov, 64
Hakimlər: Əliyar Ağayev, Zeynal Zeynalov, Akif Əmirəli, Rauf Cabarov
Hakim-inspektor: İmanxan Sultani
AFFA nümayəndəsi: Elgiz Abbasov
Tofiq Bəhramov adına Respublika Stadionu
