Çempionlar Liqasının təsnifat mərhələsininin oyunlarına hazırlaşan "Qarabağ” klubu bu gün Tofiq Bəhramov adına Respublika stadionunda məşqə çıxıb. Sportnet.az-ın klubun rəsmi saytına istinadən məlumatına görə, 90 dəqiqəlik məşqdə komanda üzvləri isinmə hərəkətlərinin ardından ikitərəfli oyun keçirib.
Məşqdə yalnız kapitan Rəşad Sadıqov iştirak etməyib. Onun müalicəsi hələ də davam etməkdədir.
Qeyd edək ki, Azərbaycan çempionu sabah hazırlığın Bakı mərhələsini başa vuracaq. Komanda üzvləri səhər çalışmasından sonra otelə yığışaraq, ertəsi gün təlim-məşq toplanışı üçün Avstriyaya yollanacaqlar.
