Fransa Antidopinq Komitəsi boksçu Toni Yokanı 1 illik diskvalifikasiya edib.
Sportnet.az-ın "L Equipe" nəşrinə istinadən məlumatına görə, səbəb fransalı idmançının dopinq-test proseduruna 3 dəfə məhəl qoymamasıdır. Antidopinq qaydalarını pozan 26 yaşlı boksçunun cəzası 2 ilədək uzadıla bilər.
Qeyd edək ki, Toni Yoka 91 kq-dan yuxarı çəki dərəcəsində 2015-ci ildə dünya çempionu, 2016-cı ildə isə Rio-de-Janeyro Yay Olimpiya Oyunlarının qalibi olub. Bu çəkidə Azərbaycanı təmsil edən Məhəmmədrəsul Məcidov dünya çempionatına qatılmayıb, olimpiadada isə 1/8 finalda qazaxıstanlı İvan Dıçkoya uduzaraq, mübarizəni dayandırıb.
