"İslamiadaya gəlməyən ölkələrin qərarına hörmətlə yanaşırıq”.
Sportnet.az-ın məlumatına görə, bunu "Bakı 2017” IV İslam Həmrəyliyi Oyunlarının Açılış Mərasimi öncəsi təşkil olunan mətbuat konfransında gənclər və idman naziri Azad Rəhimov deyib. Nazir bildirib ki, Liviya, Sudan və Küveytin idmançılarının yarışlarda iştirak etməməsinin səbibi müxtəlif ola bilər: "Biz onlardan soruşa bilmərik ki, niyə gəlmirsiniz? Yəqin ki, nəsə ciddi səbəbləri var. Lakin İslam ölkələrinin Bakıda yarışlarda iştirakı üçün hər bir şərait yaradılıb”.
Qeyd edək ki, İslamiadanın Açılış mərasimi mayın 12-də Bakı Olimpiya Stadionunda keçiriləcək.
