"Rio-2016" Yay Olimpiya Oyunlarında çıxışını başa vuran Azərbaycan cüdo yığması bu gün vətənə dönüb. Sportnet.az-ın məlumatına görə, 25 nəfərdən ibarət nümayəndə heyəti Paris - Bakı hava reysi ilə az öncə paytaxtımıza təşrif buyurub.
Gümüş mükafatçılarımız Rüstəm Orucov (73 kq) və Elmar Qasımovun (100 kq) heyətində yer aldığı cüdo millimiz Heydər Əliyev Beynəlxalq Hava Limanında böyük coğqu ilə qarşılanıb. Qəhərmanları gözləyənlər arasında mətbuat nümayəndələri ilə yanaşı, çoxsaylı idmansevər və idman ictimaiyyətinin nümayəndələri də olublar. Cüdosevrələr idmançılarımızı "Cəngi” sədaları altında bayraqlarla və şüarlarla qarşılayıblar.
