İtaliyanın "İnter" klubu heyətini yeni futbolçu ilə gücləndirib. Sportnet.az-ın klubun rəsmi saytına istinadən məlumatına görə, bu, İspaniya "Atletiko"sundan alınan Joao Mirandadır.
Braziliyalı oyunçudan ötrü "Atletiko"ya 15 milyon avro ödənildiyi bildirilir. 30 yaşlı Miranda "Atletiko"da 117 oyuna 13 qol vurub. Son zamanlar o, Amerika Kubokunda çıxış edən və 1/4 finalda mübarizəni dayandıran Braziliya millisinin düşərgəsində olub.
Qeyd edək ki, Joao Miranda "Atletiko"nun heyətində İspaniya çempionluğu, ölkə kuboku və Super Kuboku, eləcə də Avropa Liqasını qazanıb.
