Kataloniyanın "Barselona" klubu Türkiyə milli komandasının futbolçusu Arda Turanı heyətinə qatıb. Sportnet.az-ın məlumatına görə, bu barədə klubun rəsmi Facebook səhifəsində məlumat yerləşdirilib.
Sövdələşmənin dəyəri 34 milyon avro təşkil edib.
Eyni zamanda futbolçunun meneceri Əhməd Bulud Kataloniya klubunun "Atletiko"nun (Madrid) yarımmüdafiəçisi ilə 5 il müddətinə müqavilə imzaladığını bildirib.
"Arda Turan artıq rəsmən "Barselona"dadır. Hazırda çox həyəcanlıyam, hisslərimi ifadə edə bilmirəm. Arda dünyanın ən böyük klubuna transfer oldu", - deyə o söyləyib.
