"Təklif olunan müqavilələrin bır sıra bölmələri məni qane etmir. Artıq menecerlər 10 gündür Bakıdadılar və onlarla getməyimi çox istəyirlər". Bu sözləri Sportnet.az-a açıqlamasında İran klubuna keçəcəyi gündəmdə olan Böyükağa Hacıyev deyib.
Təcrübəli mütəxəssis ona təklif göndərən klubların adını və hələ ki ortaq məxrəcə gələ bilmədiklərini açıqlayıb: "Bu gün mən futbolda təcrübəli kəslərdən biriyəm. Ona görə öz istəyimi deyirəm. Onlar isə telefon vasitəsi ilə klublara çatdırırlar. Menecerlər "İsfahan", "Səhli" Qum, "Tehran" və "Rah Ahan" klubları adından danışırlar. Lakin hələ ki ortaq məxrəcə gələ bilmirik".
