Bakı "İnter"inin Avropa Liqasında II təsnifat mərhələsinə yüksəlməsi klub prezidenti Georgi Nikolovu xeyli sevindirib. Sportnet.az-ın məlumatına görə, Albaniya "Laçi"si ilə I təsnifat mərhələsinin cavab görüşündən sonra Nikolov Azərbaycan bayrağı ilə meydana girib.
O, stadionda dövrə vurduqdan sonra hamını təbrik edib. Bu zaman Nikolov göz yaşlarını da saxlaya bilməyib. Amma "Laçi"nin baş məşqçisi Kastriot Rama onun uzatdığı əli geri çevirib.
Qeyd edək ki, oyun 0:0 hesablı heç-heçə ilə nəticələnsə də, "İnter" səfər qolu sayəsində (1:1) mərhələ adlayıb.
