Kiyev "Dinamo"su ilə "Şaxtyor" arasında Ukrayna Super Kuboku uğrunda matç Odessada keçiriləcək. Sportnet.az-ın məlumatına görə, bu barədə Ukrayna Futbol Federasiyasının (FFU) prezidenti Andrey Pavelko Odessa vilayəti Dövlət Administrasiyasının sədri Mixail Saakaşvili ilə görüşdən sonra açıqlama verib.
O bildirib ki, Saakaşvili ilə futbola dair baxışları oxşardır: "Biz bir nömrəli oyunun Odessaya qayıdışının necə vacib olduğunu anlayırıq. Şübhə etmirəm ki, bizi azarkeşlər də dəstəkləyəcəklər. Hamımız birgə Ukraynaya futbol bayramı hədiyyə edəcəyik. Bu bayram isə Odessadan başlayacaq".
Qeyd edək ki, oyunun keçirilmə tarixi hələlik məlum deyil.
