"Komandamız həqiqətən də yaxşı oynadı. İlk oyunumuzdan razı qaldım". Bunu Sportnet.az-a açıqlamasında "Qarabağ"ın yeni transferi Elvin Məmmədov Monteneqro "Rudar"ı ilə Çempionlar Liqasının II təsnifar mərhələsinin ilk oyunundan sonra deyib.
Təcrübəli yarımmüdafiəçi bildirib ki, bütün oyun boyu səylə çalışan komanda yoldaşlarının haqqını yemək olmaz: "Qarşıda hələ cavab görüşü var. İnşallah, Monteneqroda daha yaxşı oyun sərgiləyərək, uğurlu nəticə ilə geri qayıdarıq".
Qeyd edək ki, "Qarabağ" - "Rudar" matçında hesab açılmayıb - 0:0.
