Zirə” klubu heyətini daha bir futbolçu ilə gücləndirib. Sportnet.az-ın məlumatına görə, monteneqrolu İqor İvanoviç karyerasını Azərbaycan komandasında davam etdirəcək.
24 yaşlı yarımmüdafiəçi ilə 2 illik müqavilə bağlanılıb. İvanoviç vətənində "Rudar”ın formasını geyinib. Ötən mövsüm Monteneqro çempionluğunu qazanmış oyunçu 13 qolla bombardirlər cədvəlində 2-ci yeri tutub. İvanoviç "Rudar”a qədər Serbiyada "OFK Belqrad” klubunun şərəfini qoruyub. Yarımmüdafiəçi 2011-ci ildə Monteneqronun 21 yaşadək futbolçulardan ibarət yığmasında forma geyinib.
Qeyd edək ki, İqor İvanoviç Çempionlar Liqasının II təsnifat mərhələsində "Qarabağ"a qarşı hər iki oyunun iştirakçısı olub. O, Bakıda 88 dəqiqə, Monteneqroda isə 90 dəqiqə çıxış edib.
