İran milli komandasının baş məşqçisi Karluş Keyruş istefa verdiyini açıqlayıb. Sportnet.az-ın məlumatına görə, portuqaliyalı mütəxəssis bu qərarını DÇ-2014-də Bosniya və Herseqovinaya 1:3 hesablı məğlubiyyətdən sonra bəyan edib.
Keyruş ona yeni müqavilənin təklif olunmaması səbəbindən bu addımı atdığını bildirib: "Mən bu layihəyə sadiqliyimi nümayiş etdirsəm də, 11 ay ərzində yeni müqavilə təklifi almadım. İran yığmasında çalışmaq mənim üçün şərəf idi, bu ölkəni sevdim. Amma
yalnız bir tərəf razıdırsa,
hansı "nikah"dan söhbət gedə bilər? Gözlədim ki, mənə yeni təklif irəli sürərlər, amma olmadı. Ona görə də bura gəlmişəm ki, mənə bu işi görmək imkanı yaradan hər kəsə təşəkkürümü bildirim".
Qeyd edək ki, İran millisi DÇ-2014-də keçirdiyi oyunlardan 2-də uduzub və yalnız 1 heç-heçə ilə kifayətlənib.
