UEFA Avropa Liqası yarışlarının play-off mərhələsi çərçivəsində "Yanq Boyz”la qarşılaşacaq "Qarabağ”ın İsveçrəyə yola düşmə vaxtı məlum olub.
Sportnet.az-ın əldə etdiyi məlumata görə, sabah saat 17:00-da çarter reysi ilə İsveçrənin Bern şəhərinə yola düşəcək ağdamlılar Maksim Medvedyevin xidmətindən məhrum olub. Müdafiəçi zədə sonrası bərpa prosesi keçdiyindən ilk oyunu buraxacağı dəqiqləşib və cavab qarşılaşmasında iştirakı da sual altındadır.
Qeyd edək ki, "Yanq Boyz” – "Qarabağ” matçı avqustun 20-də Bakı vaxtı ilə saat 23:00-da Berndəki "Stad de Syuiss” stadionunda keçiriləcək.
