"Qarabağ"ın baş məşqçisi Qurban Qurbanov Avropa Liqasının pley-off mərhələsində İsveçrə "Yanq Boyz"u ilə keçirəcəkləri ilk oyundan öncə Berndə jurnalistlər önünə çıxıb. Sportnet.az-ın məlumatına görə, 43 yaşlı mütəxəssis sabahkı oyunun maraqlı keçəcəyini bildirib.
Qurbanov fikrini hər iki komandanın qrup mərhələsinə vəsiqə üçün son şans olması ilə əlaqələndirib. O deyib ki, meydanın süni ot örtüyünə sahib olması "Qarabağ"ın oyununa mane olmayacaq: "Biz artıq buna alışmışıq. Cütün fovaritini söyləmək mümkün deyil, şanslar bərabərdir".
Qeyd edəək ki, "Stade de Suisse" stadionunda keçiriləcək "Yanq Boyz" - "Qarabağ" matçı Bakı vaxtı ilə saat 23:00-da başlanacaq.
