"Bu alçaldıcı məğlubiyyət oldu. Buna baxmayaraq başımızı qaldırıb mübarizə aparacağıq". Sportnet.az-ın məlumatına görə, bunu yerli mətbuata açıqlamasında Yunanıstanın "Panatinaikos" klubunun prezidenti Con Alafouzos deyib.
Avropa Liqasının pley-off mərhələsinin cavab görüşündə Afinada "Qəbələ" ilə 2:2 hesablı sülh bağlayan Yunanıstan klubunun prezidenti nəticəni belə şərh edib:
"Seçim variantımız yoxdur. Yenidən özümüzə gəlib, mübarizəyə davam etməliyik. Oyun vaxtı səhvlərimiz oldu. Ancaq mən baş məşqçi və futbolçularıma güvənirəm. Burada mübarizəni davam etdirməliyik".
Qeyd edək ki, "Qəbələ" səfərdə vurduğu qollar sayəsində Avropa Liqasının qrup mərhələsinə vəsiqə qazanıb - 0:0, 2:2.
