Almaniyanın "Borussiya" (Dortmund) klubu Avropa Liqasının qrup mərhələsi üçün püşkatmanın nəticəsindən razı qalıb. Sportnet.az-ın məlumatına görə, bu barədə "sarı-qaralar"ın baş direktoru Hans Yoahim Vatske klubun rəsmi saytına açıqlama verib.
O bildirib ki, idman anlamında qrupun səviyyəsindən şikayətlənməməiidirlər. Lakin o, uzaq səfərlərin komandaya problem yaradacağından ehtiyatlandıqlarını etiraf edib: "Biz heç nəyə əllərimizi yanımıza salaraq, durmayacağıq və hər oyuna bütün ciddiyyətimizlə yanaşacağıq. Uzaq məsafələr bizim üçün problem ola bilər. Amma biz buna hazırıq".
Qeyd edək ki, "Borussiya" Yunanıstanın PAOK, Rusiyanın "Krasnodar" və Azərbaycanın "Qəbələ" klubları ilə eyni qrupa düşüb. Dortmund komandası Bakıda oktyabrın 22-də, Krasnodarda isə noyabrın 26-da səfər matçlarına çıxacaq.
