"Yenidən Odessada, belə azarkeşlər qarşısında meydana çıxmaq xoş idi. Hesab edirəm ki, yaxşı oyun alındı". Sportnet.az-ın məlumatına görə, bunu "Qəbələ"nin qapıçısı Dmitri Bezotosnı Ukraynada sabiq komandası "Çernomorets"lə oyundan sonra deyib.
Onun fikrincə, hazırkı klubunun 2:0 hesabı ilə qalib gəldiyi oyun azarkeşlərin də xoşuna gəlib: "Yoxlama matçını bu qədər tamaşaçının izləməsi yaxşıdır. Açığı, qarşılaşmada 2-3 min tamaşaçı olacağını gözləyirdim. Amma tribunalara 5 mindən artıq seyrçi gəlmişdi. "Çernomorets” gənclərdən təşkil olunan yaxşı komandadır. Onlar Premyer Liqada qalmaq üçün mübarizə aparıb, bunun öhdəsindən gələ bilərlər”.
