"Mövsümdə ilk qələbəmizi qazandıq. Mənə elə gəlir ki, təzyiq üstümüzdən götürülsə, daha rahat çıxış edə biləcəyik". Sportnet.az-ın məlumatına görə, bu sözləri oyundan sonra "CBC" kanalına açıqlamasında "Kəpəz" klubunun baş məşqçisi Şahin Diniyev deyib.
Cari mövsüm ilk qələbəsini AZAL üzərində qazanan "Kəpəz"in baş məşqçisi qonaqların inamlı təsir bağışlayacağını gözlədiyini deyib: "AZAL-ın məğlub olduğu komandalar "Qarabağ" və "Qəbələ"dir. Bilirdik ki, bizi çətin oyun gözləyir və gözlədiklərim oldu".
Ş.Diniyev ukraynalı hücumçu Aleksandr Sitnik haqqqında da danışıb. O, bildirib ki, futbolçunun fiziki durumu hələ tam hazır vəziyyətdə deyil: "Onun da üstündə təzyiq var və çalışır ki, qol vursun. Bugünkü oyunda hücumda müdafiəçilərə qarşı təzyiq edə bildi. Deməzdim ki, bu oyunda pis çıxış etdi. Ancaq zaman keçdikcə komandaya uyğunlaşacaq".
Diniyev oyunsonrası mətbuat konfransında isə bunları deyib: "Oyun gərgin alındı. Bundan öncəki 3 görüşdə yüksək səviiyyəli, hücumameyilli futbol oynasaq da, nəticə qazana bilməmişdik. Bunun gərginliyi vardı. Stadiona gələn azarkeşlər bizdən qələbə gözləyirdilər. Futbolçular üzərlərində böyük yük hiss edirdilər. Oyunçularım səhv etməkdən qorxurdular. Amma buna baxmayaraq, qələbə qazandıq. Etiraf edim ki, bu gün nəticə üçün oynadıq. Qazanılan qələbə ümid edirəm ki, növbəti oyunda da işimizə yarayacaq. Azarkeşlər, jurnalistlər kimi mən də hücumçudan qol gözləyirəm. Məncə, zaman keçdikcə Aleksandr öz üzərinə düşən işi həyata keçirəcək. Hazırda yaxşı oyunçu tapmaq çətindir. Amma qışda bunun üçün imkanımız olacaq. Turnir cədvəlindəki yerimizə uyğun olaraq, transferlər edəcəyik"
Diniyev oyunsonrası mətbuat konfransında isə bunları deyib: "Oyun gərgin alındı. Bundan öncəki 3 görüşdə yüksək səviiyyəli, hücumameyilli futbol oynasaq da, nəticə qazana bilməmişdik. Bunun gərginliyi vardı. Stadiona gələn azarkeşlər bizdən qələbə gözləyirdilər. Futbolçular üzərlərində böyük yük hiss edirdilər. Oyunçularım səhv etməkdən qorxurdular. Amma buna baxmayaraq, qələbə qazandıq. Etiraf edim ki, bu gün nəticə üçün oynadıq. Qazanılan qələbə ümid edirəm ki, növbəti oyunda da işimizə yarayacaq. Azarkeşlər, jurnalistlər kimi mən də hücumçudan qol gözləyirəm. Məncə, zaman keçdikcə Aleksandr öz üzərinə düşən işi həyata keçirəcək. Hazırda yaxşı oyunçu tapmaq çətindir. Amma qışda bunun üçün imkanımız olacaq. Turnir cədvəlindəki yerimizə uyğun olaraq, transferlər edəcəyik"
Qeyd edək ki, "Kəpəz" - AZAL qarşılaşması 1:0 hesabı ilə yekunlaşıb.
