AVRO-2016-nın "pley-off" mərhələsinə vəsiqə qazanan bütün 8 yığma müəyyənləşib. Sportnet.az-ın məlumatına görə, Ukrayna, Danimarka, İsveç, İrlandiya, Sloveniya, Norveç, Macarıstan, Bosniya və Herseqovina da öz qruplarında 3-cü yeri tutub.
Oktyabrın 18-də keçiriləcək püşkatma nəticəsində bu komandalar 4 cütlüyə bölünəcəklər. Cütlüklərin qalibləri Fransada keçiriləcək final mərhələsinə yüksələcəklər.
Qeyd edək ki, Türkiyə millisi ən yaxşı qrup 3-cüsü kimi AVRO-2016-ya birbaşa vəsiqə qazanıb. Qardaş ölkə yığmasından əlavə, təşkilatçı Fransa, həmçinin, İslandiya, Çexiya, Belçika, Uels, İspaniya, Slovakiya, Almaniya, Polşa, İngiltərə, İsveçrə, Şimali İrlandiya, Rumıniya, Avstriya, Rusiya, İtaliya, Xorvatiya, Portuqaliya və Albaniya da bu hüquqa yiyələnib.
