Bu gün futbol üzrə Azərbaycan Premyer Liqasının VIII turuna start veriləcək. Sportnet.az-ın məlumatına görə, turun ilk oyun günündə bir qarşılaşma keçiriləcək.
Çempionatın autsayderi "Rəvan" Gəncənin "Kəpəz" klubunu qəbul edəcək. Qarşılaşma "Bayıl Arena"da baş tutacaq. Komandalar bugünədək 8 dəfə üz-üzə gəlib. Bu görüşlərin 5-i gəncəlilərin qələbəsi ilə yekunlaşıbsa, 3-də "Rəvan" meydanı qalib komanda olaraq tərk edib.
Paytaxtda keçirilmiş 4 oyunda bərabər nəticələr qeydə alınıb. Meydan sahibləri və qonaqlar hərəyə 2 dəfə qələbə qazanıb.
Son turda doğma azarkeşlər önündə "Sumqayıt"ı (3:1) məğlub edən Şahin Diniyevin rəhbərlik etdiyi komanda bu gün 3 xal qazanacağı təqdirdə aktivində 11 xal olacaq . Nəticədə komanda turnir cədvəlində "Neftçi"ni 2 xal qabaqlayaraq 5-ci pilləyə yüksələcək. Turnir cədvəlinin sonuncusu "Rəvan" isə qələbə sayəsində 8-ci pilləyə qədər yüksələ bilər.
20:30. "Rəvan" – "Kəpəz" - 0:2
Qollar: Julien Ebah, 48. Junior Osvaldo, 52Qırmızı vərəqələr: Kənan Manafov, 59. Novruz Məmmədov, 87. Orxan Lalayev, 90 (hamısı "Rəvan")
"Rəvan”: 32. Kostyantin Maxnovski 21. Novruz Məmmədov 6. Vüqar Bəybalayev 16. Orxan Lalayev 14. Elvin Əliyev 92. Yamin Ağakərimzadə 20. Kənan Manafov 8. Məmməd Quliyev 11. Şeriff Suma 17. Ramazan Abbasov(k) 22. Məhəmməd Alıyev
Ehtiyat oyunçular:1. Rəşad Əzizli 4. Kənan Müslümov 99. Nicat Muxtarov 77. Cavad Kazımov 7. Elvin Həsənəliyev 28. Xanlar Teymurov 19. Tural Qürbətov
Baş məşqçi: Emin Quliyev
"Kəpəz”: 88. Tadas Simaitis 18. Tural Axundov (k) 13. Şəhriyar Rəhimov 25. Şəhriyar Əliyev 3. Tərlan Quliyev 8. Budaq Nəsirov 7. Juninyo 27. Bəxtiyar Soltanov 10. Dario Federiko Junior 68. Rəşad Eyyubov 19. Aleksandr Sitnik
Ehtiyat oyunçular:1.Eyyub Əliyev 23. Tural Nərimanov 6. Ceyhun Cavadov 9. Murad Ağakişiyev 15. Azad Kərimov 90. Julien Ebah 80. Tural Rzayev
Baş məşqçi: Şahin Diniyev
Hakimlər: Orxan Məmmədov, Yaşar Abbasov, Mübariz Haşımov, Munis Abdullayev
AFFA nümayəndəsi: Vaqif Davudov
Hakim-inspektor: Füzuli Nəcəfov
Bakı. "Bayıl Arena"
Qeyd edək ki, turun digər qarşılaşmaları 17 və 18 oktyabrda keçiriləcək.
