Avropa Liqasının qrup mərhələsində "Monako" və "Qarabağ" komandaları arasında keçirilək qarşılaşmadan öncə məşq və konfransların vaxtı müəyyənləşib. Sportnet.az-ın məlumatına görə, "Monako"nun oyunöncəsi son məşqi Bakı vaxtilə saat 13:00-da baş tutacaq.
Qurban Qurbanov Bakı vaxtilə saat 21:30-da jurnalistlərin suallarını cavablandıracaq. Yarım saat sonra isə komanda oyunun keçiriləcəyi "II Lui" stadionunda sonuncu məşqinə çıxacaq.
Meydan sahiblərinin baş məşqçisi Leonardu Jardim isə Bakı vaxtilə 22:30-da media nümayəndələri ilə görüşəcək.
Qeyd edək ki, "Qarabağ" sabah saat 18:00-da Monakoya yola düşəcək. Oktyabrın 22-də keçiriləcək "Monako" - "Qarabağ" matçı Bakı vaxtilə saat 22:00-da start götürəcək.
