"İnter”in baş məşqçisi Zaur Svanadze "Zirə" ilə Azərbaycan Premyer Liqasının XI tur matçını dəyərləndirib. Sportnet.az-ın məlumatına görə, gürcüstanlı mütəxəssis 0:0 hesablı heç-heçə ilə nəticələnən qarşılaşmada komandasının müdafiəçilərinin çox yaxşı oynadıqlarını bildirib.
Onun fikrincə, arxa xətt oyunçuları "Zirə"nin hücumçularına imkan verməyiblər: "İkinci hissədə öndə təhlükəli epizodlar yaratdıq. Buna baxmayaraq, təəssüflənirəm ki, bizim yüksək səviyyəli hücumçumuz yoxdur. Nə qədər dəyişikliklər etsək də, irəlidə daha güclü ola bilmirik. Bu problemləri aradan qaldırmaq üçün variantlar axtarırıq. Yaxşı oynamayan futbolçu ehtiyatda oturmalıdır”.
