"Oyun həqiqətən maraqlı alındı. Havanın belə küləkli olmasına baxmayaraq, sürətli oyun izlədik”. Bu sözləri Sportnet.az-a açıqlamasında "Neftçi”nin idman direktoru Vəli Qasımov deyib.
O bildirib ki, komandaya özünəinamın qayıtması üçün bir qələbə lazım idi: "Rəqib komanda ilk hissədə çoxsaylı qol epizodları yaratdı. İkinci hissədə isə tədricən oyunu dəyişə bildik. Komandaya bir qələbə lazım idi ki, komandanın inamı özünə qayıtsın. Bundan sonra yeni bir xətlə irəli getməliyik. Qış transfer pəncərəsi dövründə "Neftçi”yə Paraqvayın aşağı liqasından futbolçu cəlb edəcəyik”.
