"Oyun haqda siz özünüz danışsanız məsləhətdir". Sportnet.az-ın məlumatına görə, bunu "Neftçi"nin Müşahidə Şurasının sədri Çingiz Abdullayev "Xəzər Lənkəran"ı səfərdə 2:0 hesabı ilə yendikləri Azərbaycan Premyer Liqasının XIII tur matçından sonra deyib.
Qələbəyə sadəcə, sevindiyini bildirən Ç.Abdullayev flaqmanın baş məşqçi postunda qış fasiləsinədək Əsgər Abdullayevin çalışacağını açıqlayıb: "Əsgər müəllimin qələbə ilə başlaması çox yaxşı oldu. Qarşıdakı oyunlarda yaxşı nəticələr göstərib, qış fasiləsinədək qələbələri sıralamaq istəyirik. Əsgər müəllim Müşahidə Şurası üzvlüyünü donduraraq, komandaya baş məşqçi kimi kömək edir. O, növbəti oyunlarda da baş məşqçi kimi davam edəcək. Samir Əliyev oxumağa getdiyindən, bu addımı atmalı idik. Yeni baş məşqçimiz qış fasiləsində tam müəyyənləşəcək. O vaxtadək əcnəbi baş məşqçi axtarışlarını davam etdirəcəyik".
