"Oyun barədə nə deyə bilərəm? Nəticədən narazıyam. Biz bu oyunda qalib gəlmək istəyirdik". Sportnet.az-ın məlumatına görə, bunu "Qəbələ"nin baş məşqçisi Roman Qriqorçuk deyib.
Premyer Liqanın XIV turunda evdə "Rəvan"ıa keçirilən oyundan sonra Qriqorçuk bunları deyib: "Hücumlarımızın sonluğunu gətirə bilmirdik. Top bizdə çox olurdu, çox hücumlar edirdik, ancaq bu hücumları qola çevirə bilmədik. Bu bizim çatışmazlığımız kimi qalır. Bu səbəbdən xeyli xallar itiririk”.
Qeyd edək ki, qarşılaşma 1:1 hesabı ilə başa çatıb.
