Dekabrın 4-də "Günəşli” yatağındakı 10 saylı dərin dəniz özülündə baş vermiş yanğın və qəza nəticəsində həyatını itirənlərin xatirəsinə ehtiram əlaməti olaraq ölkə ərazisində matəm elan olunub. Sportnet.az-ın məlumatına görə, bununla bağlı Azərbaycan Prezidenti İlham Əliyev qərar verib.
Azərbaycan Premyer Liqasında XV turun bütün oyunlarında futbolçular meydana qara sarğı ilə çıxacaq, matçlardan öncə 1 dəqiqəlik sükut elan olunacaq. Bu barədə Peşəkar Futbol Liqası qərar qəbul edib.
Qəzada həlak olanlara Allahdan rəhmət, yaxınlarına səbr diləyirik.
Qeyd edək ki, baş vermiş qəzada 32 nəfər xilas olub, 1 nəfər həlak olub, 30 nəfər isə itkin düşüb.
