"Qarabağ"ın futbolçusu Çumbinyo yenidən zədələnib. Sportnet.az-ın məlumatına görə, braziliyalı yarımmüdafiəçi Belçika "Anderlext"i ilə Avropa Liqasının qrup mərhələsinin VI tur matçında xəsarət alıb.
70-ci dəqiqədə o, rəqib futbolçu Dodi Lukebakionun kobud oyunu nəticəsində yerdə qalıb. Lukebakio kobud oyunu ilə əlaqədar sarı vərəqə alıb. Çumbinyo isə oyuna davam edə bilməyib. Nəticədə o, yerini komanda yoldaşı Miçelə verib. "Sambaçı"nın zədəsinin ciddilik dərəcəsi hələ məlum deyil.
Qeyd edək ki, Çumbinyo son bir il ərzində uzun müddət zədəli olub. O, yaşıl meydanlara qayıdışından sonra ikinci dəfə xəsarət alıb.
