Bu gün Azərbaycan Premyer Liqasının XVI turuna yekun vurulub. Sportnet.az-ın məlumatına görə, turun son oyun günündə 3 qarşılaşma keçirilib.
Günün ilk oyununda AZAL "Xəzər Lənkəran"ı qəbul edib. Görüş "təyyarəçilər"in minimal hesablı qələbəsi ilə yekunlaşıb. Meydan sahiblərinin yeganə qolunun sahibi Murad Səttarlı olub. Qələbə nəticəsində AZAL 16 xalla turnir cədvəlinin 7-ci pilləsinə yüksəlib. "Xəzər Lənkəran" isə 12 xalla 9-cu pillədədir.
Turun mərkəzi görüşündə "Qəbələ" və "Neftçi" komandaları üz-üzə gəlib. Qəbələ şəhər stadionunda keçirilmiş qarşılaşmada "Neftçi" üstün tərəf olub. "Ağ-qaralar"ın qələbə qolunun müəllifi Filyo olub. "Neftçi" 3 xal sayəsində 5-ci pillədəki mövqeyini qoruyub və ən yaxın qonşusu "İnter"lə xal fərqini 1-ə endirib.
Turun son oyununda isə "Zirə" hazırkı lider "Qarabağ"ı qəbul edib. Matçda hesab açılmayıb və komandalar hərəyə 1 xalla kifayətlənib. Nəticədə "Qarabağ" 2 tur qalmasına baxmayaraq, fasiləyə qış çempionu kimi yollanacaq. 26 xalla 3-cü pillədə olan "Zirə" isə "Qəbələ" ilə xal fərqini minimuma endirib.
Qeyd edək ki, turun digər görüşündə "Sumqayıt" səfərdə "İnter"i məğlub edib. "Kəpəz" - "Rəvan" oyununda isə qolsuz bərabərlik qeydə alınıb.
Azərbaycan Premyer Liqası, XVI tur
13 dekabr
15:00. AZAL – "Xəzər Lənkəran" - 1:0
Qol: Murad Səttarlı, 70
Hakimlər: Rauf Cabbarov, Namiq Hüseynov, İsgəndər Əliyev, Nail Nağıyev
Hakimlər: Rauf Cabbarov, Namiq Hüseynov, İsgəndər Əliyev, Nail Nağıyev
AFFA nümayəndəsi: Ramiz Mustafayev
Hakim-İnspektor: Məhəmməd Məmmədov
"AZAL Arena"
15:30. "Qəbələ" – "Neftçi" - 0:1
Qol: Jairo Rodriges Filyo, 22
Hakimlər: Rəhim Həsənov, Rza Məmmədov, Akif Əmirəli, Zeynal Zeynalov
Hakimlər: Rəhim Həsənov, Rza Məmmədov, Akif Əmirəli, Zeynal Zeynalov
Əlavə köməkçi hakimlər: Əliyar Ağayev, Rəvan Həmzəzadə
AFFA nümayəndəsi : Maşallah Əhmədov
Hakim-inspektor: Rövşən Əhmədov
Qəbələ şəhər stadionu
18:00. "Zirə" – "Qarabağ" - 0:0
Hakimlər: Orxan Məmmədov, Knyaz Əmiraslanov, Kamran Bayramov, Coşqun Həsənov
Əlavə köməkçi hakimlər: Fariz Yusifov, İnqilab Məmmədov
AFFA nümayəndəsi: Məmmədəli Məmmədov
Hakim-inspektor: Xaqani Məmmədov
Zirə İdman Kompleksinin stadionu
| N | Klublar | O | Q | H | M | T-F | X |
| 1 | Qarabağ | 16 | 11 | 3 | 2 | 25-9 | 36 |
| 2 | Qəbələ | 16 | 7 | 6 | 3 | 23-11 | 27 |
| 3 | Zirə | 15 | 6 | 7 | 2 | 15-12 | 25 |
| 4 | İnter | 16 | 6 | 6 | 4 | 14-12 | 24 |
| 5 | Kəpəz | 16 | 5 | 7 | 4 | 17-16 | 22 |
| 6 | Neftçi | 15 | 5 | 5 | 5 | 17-16 | 20 |
| 7 | Sumqayıt | 16 | 3 | 7 | 6 | 18-23 | 16 |
| 8 | AZAL | 15 | 3 | 4 | 8 | 8-17 | 13 |
| 9 | Xəzər Lənkəran | 15 | 3 | 3 | 9 | 10-20 | 12 |
| 10 | Rəvan | 16 | 2 | 5 | 9 | 9-21 | 11 |
Bombardirlər: Riçard Almeyda ("Qarabağ"), Ruslan Qurbanov ("Neftçi"), Aleksey Antonov ("Qəbələ") - hamısı 6 qol.
