Ukraynanın "Dnepr" klubunun futbolçusu Roman Zozulya Avropa Liqasının finalçısı kimi aldığı medalı hərracda satıb. Sportnet.az-ın məlumatına görə, lotun start qiyməti 10 min qrivna (təqribən 655 manat) olub.
Mükafat uğrunda azarkeşlər və idmançılar mübarizə aparıb. O cümlədən, Kiyev "Dinamo"sunun forvardı Artyom Kravets 70 min qrivna təklif edib. Amma cüdoçu Aleksandr Kiselyov 210 min qrivna ödəyərək, medala sahib olub.
Qeyd edək ki, Roman Zozulya medalın satışından vəsaiti münaqişə zonasındakı hərbçilərin ehtiyaclarına yönəldəcəyinə söz verib.
