Azərbaycanlı iş adamı Mübariz Mənsimov Türkiyənin "Beşiktaş" klubuna daha bir futbolçu keçidində vasitəçilik edir. Sportnet.az-ın "Zaman" qəzetinə istinadən məlumatına görə, bu, Ukraynanın "Dinamo" (Kiyev) komandasında çıxış edən Yunus Belhandadır.
Bu transferlə bağlı danışıqlarda "Beşiktaş" prezidenti Fikrət Orman, "Dinamo" rəsmiləri və 24 yaşlı yarımmüdafiəçinin meneceri iştirak edib. Kiyev klubu Belhandanı ötən mövsüm Fransa "Monpelye"sindən 14 milyon avroya alıblar. Mənsimovun da qatıldığı müzakirələrdə yekun qərar tezliklə açıqlanacaq. Çünki "qartallar" İngiltərə "Arsenal"ı ilə Çempionlar Liqasının "pley-off" mərhələsi üçün iştirak ərizəsini bu gün təqdim etməlidir.
Qeyd edək ki, Mübariz Mənsimov daha öncə "Beşiktaş"ın İngiltərənin "Çelsi" klubundan Demba Banı almasında vasitəçilik edib.
