"Neftçi" klubu Avropa Liqasının pley-off mərhələsinin ilk görüşündə üz-üzə gələcəyi Serbiya "Partizan"ı ilə oyun üçün səfərə bu gecə çıxacaq. Klubun ictimaiyyət və mətbuatla əlaqələr departamentindən Sportnet.az-a verilən məlumata görə, "ağ qaralar" Bakı-İstanbul-Belqrad reysi ilə yola düşəcəklər.
Belqrada yollananlar arasında cəzalı Karlos Kardos və zədəli Bruno Bertuççi də var. Kardoso "Çixura" ilə Avropa Liqasının III təsnifat mərhələsində cavab görüşündə sarı vərəqə limitini keçib. O, "Partizan"la ilk görüşü buraxmalı olacaq. Bruno Bertuççi isə Topaz Premyer Liqasının II turunda "Bakı” il matçın 64-cü dəqiqəsində zədələnərək meydanı tərk etməli olub. Onun Serbiyada meydana çıxıb-çıxmayacağı həkimlərin rəyindən asılı olacaq.
Belqrada yollananlar arasında cəzalı Karlos Kardos və zədəli Bruno Bertuççi də var. Kardoso "Çixura" ilə Avropa Liqasının III təsnifat mərhələsində cavab görüşündə sarı vərəqə limitini keçib. O, "Partizan"la ilk görüşü buraxmalı olacaq. Bruno Bertuççi isə Topaz Premyer Liqasının II turunda "Bakı” il matçın 64-cü dəqiqəsində zədələnərək meydanı tərk etməli olub. Onun Serbiyada meydana çıxıb-çıxmayacağı həkimlərin rəyindən asılı olacaq.
Klubun baş məşqçisi Böyükağa Hacıyevin oyun gününə kimi gündə iki dəfə məşq keçəcəyi nəzərdə tutulub. İlk məşq "Partizan"ın əzəli rəqibi olan "Srvena Zvezda"nın, növbətisi isə avqustun 20-də "Partizan"ın ev arenasında olacaq.
Qeyd edək ki, avqustun 21-də keçiriləcək "Partizan" - "Neftçi" matçı Bakı vaxtı ilə saat 23:15-də başlayacaq.
