Bu gün AFFA-da qurumun baş katibi Elxan Məmmədovla "Qarabağ”ın futbolçusu Reynaldo Silva arasında görüş keçirilib. Görüşdə Reynaldo Silvanın Azərbaycan millisində oynaması ilə bağlı məsələlər müzakirə edilib.
Müzakirələr zamanı E.Məmmədov AFFA rəhbərliyi adından R.Silvaya millimizdə oynamaqla bağlı rəsmi təklif irəli sürüb. Futbolçu təklifi qəbul edib.
"Qarabağ”ın mətbuat xidməti görüşün keçirilməsi xəbərini təsdiqləyib. Klubdan bildirilib ki, AFFA Braziliya vətəndaşlığı olan Reynaldoya Azərbaycan pasportunun verilməsi ilə bağlı müvafiq qurumlara müraciət edəcək. Eyni zamanda məsələ ilə əlaqədar FİFA da məlumatlandırılacaq (qol.az).
