"Qarabağ" klubu bu gün tarixi ərzində ilk dəfə Avropa Liqasının qrup mərhələsində mübarizəyə başlayacaq. Sportnet.az-ın məlumatına görə, F qrupunda yer alan komandamızın ilk rəqibi Fransa "Sent Etyen"i olacaq.
Oyun ot örtüyü yenicə dəyişdirilən Tofiq Bəhramov adına Respublika stadionunda baş tutacaq. "Qarabağ" əvvəllər Avroliqada 3 dəfə "pley-off" mərhələsinədək irəliləyə bilib. Ağdam təmsilçisi məhz 4-cü cəhdində qrupa vəsiqə qazanaraq, "Neftçi"nin 2 il öncə əldə etdiyi nailiyyəti təkrarlayıb.
"Sent Etyen" isə Fransada hamıdan çox çempion olan komandadır. İndiyədək bu klubun əldə etdiyi 10 çempionluğa başqa komandalardan heç biri nail ola bilməyib. "Yaşıllar"ın hesabında 6 ölkə kuboku və 5 superkubok da var. Əvəzində "Sent Etyen" yalnız 1976-cı ildə Çempionlar Kubokunun finalınadək irəliləməyi bacarıb. Ötən mövsüm Fransa Liqasını 4-cü pillədə başa vurmuş komanda Avroliqada mübarizədə "pley-off" mərhələsindən başlayıb və Türkiyə "Karabükspor"unu penaltilər seriyasında üstələyərək, qrupa düşüb.
Amma 95 illik tarixə malik klubun heyətində indiyədək hazırkı UEFA prezidenti Mişel Platini, eləcə də Fransa yığmasının digər keçmiş oyunçularından Jak Santini, Eme Jake və Loran Blan, kamerunlu Roje Milla çıxış edib.
Beləliklə, bu axşam bizi "Sent Etyen"in baş məşqçisi Kristof Qaltyenin də dediyi kimi, avrokubok təcrübəsi daha çox olan "Qarabağ"la UEFA prezidentinin sabiq komandası arasında maraqlı oyun gözləyir...
Avropa Liqası. F qrupu
21:00. "Qarabağ" (AZƏRBAYCAN) - "Sent Etyen" (Fransa) - 0:0 (İKİNCİ HİSSƏ)
Ehtiyat oyunçular: 30. Jessi Mulin, 29. Fransua Kler, 32. Jerol Nyemek, 18. Fabyen Lemuan, 28. İsmael Diomand, 11. Yohan Mollo, 12. Allen Sent-Maksimin
Əlavə köməkçi hakimlər: Brayan Kolvin, Endryu Dallas (hamısı Şotlandiya)
Oyun başladı.
3` "Sent Etyen"in futbolçusu Qradelin yerinə yetirdiyi cərimə zərbəsi Şehiç dəf edir.
5` Muarem qapıçı ilə təkbətəkə çata bilmir. "Qarabağ"ın hesabı açmaq üçün əlverişli imkanı əldən verilir.
"Qarabağ" ötürmələrdə tez-tez yanlışlıqlara yol verir. Bu, xüsusən hücuma çıxarkən, özünü göstərir.
14` "Qarabağ"ın çoxgedişli kombinasiyasından sonra Medvedevin zərbəsini qapıçı dəf edir.
15` Corcun cinah keçidindən sonra qapı qarşısına ötürməsinə Reynaldo ayaq qoya bilmir.
"Qarabağ" ərazi üstünlüyünü ələ alıb.
33` Çumbinyo zədələrənərək, meydanı xərəkdə tərk edir. Amma zədəsi ciddi olmadığından, tezliklə meydana qayıdır.
37` Çumbinyonun uzaqdan zərbəsini qapıçı qaytara bilir.
40` "Qarabağ" yenidən əlverişli imkanı əldən verir. Reynaldo cərimə meydanına daxil olsa da, dəqiq zərbə endirə bilmir.
42` Reynaldonun bu dəfə də iti bucaqdan zərbəsini müdafiəçilər dəf edir.
43` Almeydanın uzaqdan zərbəsi qapının üstündən keçir.
45` Ilk yarıya 2 dəqiqə əlavə olunur.
45+1` Çumbinyo yenidən zədələnərək, meydanı xərəkdə tərk edir.
İlk yarı başa çatdı.
İkinci hissə başladı
46` Çumbinyonun əvəzinə Nadirov meydana girir.
49` Kornyenin əvəzinə Maksimin meydana daxil oldu.
60` Reynaldo Medvedevin cinah ötürməsindən sonra topu saxlayaraq, zərbə endirsə də, top qapının üstündən keçir.
64` Klemen kobud oyuna görə sarı vərəqə alır.
67` "Qarabağ" oyun ərzində ən real qol imkanını əldən verdi. Reynaldo bir neçə futbolçunu keçərək. rəqibin cərimə meydanına daxil olsa da, zərbəsini qapıçı dəf etdi.
70` Corcu Ələsgərov əvəzləyir.
74` Erdinçi Lemuan əvəzləyir.
82` "Qarabağ"da növbəti əvəzləmə. Muaremi Dias əvəzləyir.
87` Koadı Diomand əvəzləyir.
90` İkinci hissəyə 4 dəqiqə əlavə olunur.
Oyun başa çatdı.
