Bu gün Avropa Liqasının qrup mərhələsində təmsilçimiz "Qarabağ" ikinci oyununu keçirib. Sportnet.az-ın məlumatına görə, Ağdam təmsilçisi səfərdə İtaliyanın "İnter" klubunun qonağı olub.
Matç İtaliya təmsilçisinin 2:0 hesablı qələbəsi ilə başa çatıb.
Qrup mərhələsinin ilk oyunu çərçivəsində Fransa "Sent Etyen"i ilə matçda zədə alan Çumbinyo və Danilo Diasın meydanda olmaması "Qarabağ"da vəziyyəti çətinləşdirib. Komandanın lideri Rəşad Sadıqov isə matça ikinci hissədə daxil olub.
Oyunda bir çox qol fürsətləri olan "Qarabağ"lı futbolçular bu şanslardan istifadə etməyi bacarmayıblar. Xüsusi ilə də Reynaldonun yüz faizlik qol imkanlarını əldən buraxması məyusluğa səbəb olub.
Qeyd edək ki, dünənki mətbuat konfransında Matsari Dnepr səfərində çətinliklə qələbə qazandıqlarını (1:0) deyən təcrübəli çalışdırıcı bu axşam azarkeşlərə bol qollu oyunla qələbə vəd etmişdi. Qurban Qurbanovun komandası isə Milana heç olmasa, bir xal üçün yollanmışdı.
Avropa Liqası , F qrupu
2 oktyabr (cümə axşamı)
00:05 "İnter" (İtaliya) - "Qarabağ" (Azərbaycan) 2:0
Qollar: Dambrosio, 18, İkardi, 85
"İnter": 30. Karrizo, 5. Xuan, 6. Andreolli, 23. Ranokkya (k), 33. Dambrosio, 55. Naqatamo, 13. Quarin, 17. Kuzmanoviç, 88. Hernanes, 90. Mvila, 9. İkardi.
Ehtiyyat oyunçular: 1. Handanoviç, 15. Vidiç, 25. Mbay, 18. Medel, 20. Obi, 7. Osvaldo, 8. Palasio. Baş məşqçi: Valter Matsari.
"Qarabağ": 13. İbrahim Şehiç, 2. Qara Qarayev, 24. Admir Teli, 25. Ansi Aqolli, 55. Bədavi Hüseynov, 7. Namiq Yusifov (k), 9. Riçard Almeyda, 10. Muarrem Muarrem, 18. İlqar Qurbanov, 41. Leroy Corc, 20. Reynaldo.
Ehtiyyat oyunçular: 1. Fərhad Vəliyev, 14. Rəşad Sadıqov, 33. Şəhriyar Əliyev, 77. Cavid Tağıyev, 6. Hacı Əhmədov, 17. Vüqar Nadirov, Namiq Ələsgərov. Baş məşqçi: Qurban Qurbanov.
Hakimlər: Aleksey Kulbakov, Dmitri Juk, Andrey Hetsikov, Oleq Maslyanka.
Əlavə hakim köməkçiləri: Sergey Tsinkeviç, Denis Şerbakov (Hakimlər Belarusdandı).
Stadion: "Cüzeppe Meatsa"
1` Oyun başladı.
1` "İnter"in futbolçusu Naqatamo qaydanı pozdu.
2` Bu dəfə qaydanı Andreolli pozdu.
4` "Qarabağ"ın hücumu. İlqar Qurbanovun ötürməsinə Reynaldo yetişmədi.
8` "Qarabağ" küncdən zərbə vurmaq hüququ qazandı. Leroy Corc zərbəni yerinə yetirdi.
9` İlqar Qurbanovun zərbəsi qapı dirəyinə dəydi.
9` İkardi oyundankənar vəziyyətə düşdü.
14`"Qarabağ"ın qol imkanı. Reynaldonun qapıya zərbəsi dəqiq alınmadı.
14`Quarin qaydanı pozdu.
18` QOL... "İnter" hesabı açdı. Dambrosionun zərbəsi dəqiq oldu....
20` Ansi Aqolli qaydanı pozdu.
22` "İnter"in ard-arda hücumları. Reynaldo qaydanı pozdu.
22` Xuan cərimə zərbəsini yerinə yetirdi.
25` Quarinin zərbəsi qeyri-dəqiq oldu.
27` Hernanesin zərbəsini Şehiç dəf etdi.
30` Muarrem qaydanı pozdu.
32` İkardi oyundankənar vəziyyətə düşdü.
35` Reynaldonun qapıya zərbəsi qeyri-dəqiq oldu.
40` Quarinin zərbəsi qapı dirəyinə tuş gəldi.
41` "Qarabağ"ın qapısı önündə təhlükə. Top qapı xəttindən çıxdı. "İnter" küncdən zərbə yerinə yetirdi.
43` "Qarabağ" hesabı bərabərləşdirməyə yaxın oldu. Reynaldonun zərbəsi qeyri-dəqiq oldu.
45` Reynaldo bu dəfə də qol imkanından faydalana bilmədi.
45` İlk hissə başa çatdı.
46` İkinci hissə başladı.
49`Hernanes küncdən zərbəni yerinə yetirdi.
51` Leroy Corc qaydanı pozdu.
53` Quarin küncdən zərbəni yerinə yetirdi.
55` Oyunda ilk dəyişiklik. Namiq Yusifovu Vüqar Nadirov əvəz etdi.
59` "İnter"in heyətində ilk dəyişiklik. Kuzmanoviçi Medel əvəz etdi.
62` "Qarabağ"da Leroy Corc yerini Cavid Tağıyevə verdi.
63` "İnter"də Quarinin yerinə Osvaldo meydana daxil oldu.
65` Naqatamo oyundankənar vəziyyətə düşdü.
66` Riçard Almeydanın zərbəsi qeyri-dəqiq oldu.
69` "Qarabağ"ın heyətində üçüncü dəyişiklik. Rəşad Sadıqov İlqar Qurbanovun yerinə meydana daxil oldu.
72` "İnter"in heyətində Hernanes yerini Obiyə verdi.
73` Qara Qarayev qaydanı pozdu.
80` Riçard Almeyda qaydanı pozdu.
80` Xuan sarı vərəqə ilə cəzalandırıldı.
83` Ranokkiya qaydanı pozdu.
85`QOLLL... İkardi "İnter"in ikinci qoluna imza atdı.
88` Vüqar Nadirov küncdən zərbəni yerinə yetirdi.
89` Aqolli zərbəsi qeyri-dəqiq oldu.
90` İkinci hissəyə 5 dəqiqə əlavə olundu.
90+2` "Qarabağ"ın hücumu.
90+3` "İnter" üçüncü qola yaxın oldu.
90+4` Dambrosio qaydanı pozdu.
90+5` Muarrem Muarrem sarı vərəqə ilə cəzalandırıldı.
90+5` Matç bitdi. "İnter" "Qarabağ"ı 2:0 hesabı ilə məğlub etdi.
