Bu gün
futzal üzrə UEFA Kubokunun elit-raund mərhələsi start götürüb. Sportnet.az-ın məlumatına
görə, yarışın ilk günündə Azərbaycanı təmsil edən "Araz” futzal klubu Slovakiyanın
"Slov-Matik” koamndası ilə qarşılaşıb.
B qrupunda
mübarizə aparan komandamız Slovakiya təmsilçisi "Slov-Matik"ə məğlub olub. Oyunda hesabı rəqib açıb. Fineo ilə hesaba tarazlıq gətirən komandamız, Rizvanın qolu ilə önə keçib. Daha sonra rəqib ard-arda 3 qol vurub. Komandamız son dəqiqələrdə bir top da vuraraq hesabı minimuma endirsə də bundan artığına gücü çatmayıb. Nəticədə "Araz" turnirə məğlubiyyətlə başlayıb.
Qrupumuzun digər qarşılaşmasında "Xrudim" - "Dina" ilə üz-üzə gələcək.
Futzal UEFA Kuboku, elit-raund
18:30. "Araz” (Azərbaycan) – "Slov-Matik” (Slovakiya) - 3:4
Qollar: Fineo, 22; Rizvan Fərzəliyev, 23; Eduardo, 40 - Mixail Seydler, 12; Tomaş Draqovski, 35; Anton Brunovski, 36, 39
Çexiya. Pardubiçe
stadionu
Qeyd edək ki, bu qrupun oyunları Çexiyada keçirilir.
