Avropa Liqasının qrup mərhələsində keçirilən "Qarabağ" - "İnter" oyununda qeydə alınan hakim səhvinə Rusiya mətbuatı da biganə qalmayıb. Sportnet.az-ın məlumatına görə, Kulichki.net idman portalında "Bakıda qalmaqal" adı altında dərc olunan yazıda çexiyalı referi Miroslav Zelinka və briqadasının "Qarabağ"ın təmiz qolunun qeydə alınmaması haqda bəhs olunub.
"Hakimin bu qərarının F qrupunda klubların turnir cədvəlində mövqelərinə təsir edib. "İnter"in ilk pilləni təmin etdiyindən, ikinci yerdə "Qarabağ" ola bilərdi. Lakin hakimlər Azərbaycan klubunun tarixi uğur qazanmasına imkan vermədilər".
Qeyd edək ki, "Qarabağ" - "İnter" matçı 0:0 hesabı ilə yekunlaşıb.
