Azərbaycanın 21 yaşadək futbolçulardan ibarət yığma komandasının sabiq yarımmüdafiəçisi Timur Təməltaşın çıxış etdiyi "Altınordu" klubu Türkiyə I Liqasında növbəti qələbəsini qazanıb. Sportnet.az-ın məlumatına görə, I Liqanın sonuna 3 tur qalmış "Altınordu" səfərdə "Manisaspor"u darmadağın edib - 6:1.
Bu matçda Təməltaş sonadək meydanda olub. O, 90-cı dəqiqədə sonuncu qolu vurub. "Manisaspor"un heyətində isə yığmamızın sabiq hücumçusu Branimir Subaşiç ikinci hissə başlayan kimi meydana girib. Qol vura bilməyən Subaşiç 69-cu dəqiqədə sarı vərəqə ilə cəzalanıb.
Bu qələbədən sonra "Altınordu" 50 xalla 8-ci pilləyə yüksəlib. "Manisaspor" isə 30 xalla 16-cı pillədə qalıb.
