Bəlkə Reynaldo birinci hissədə o toplardan birini vursaydı...
Bəlkə Çumbinyo oynasaydı...
Bəlkə ilk qol epizodunda Rəşad Sadıqov meydanda olsaydı...
Bəlkə... bəlkə... bəlkə də...
Ehh...Bəlkələr bitmir ki, bitmir. Şəxsən mən başa düşə bilmirəm, nə gözləyirdiz ki?
"Qarabağ" Milanda "İnter"i udmalı idi"? sualına "Niyə də yox?" cavabını verənlərə mən öz arqumentlərimi göstərəcəm:
- "Bu, futboldur və futbolda hər şey olur" deyiminin nə vaxtsa Azərbaycan milli-klub futboluna təsir etdiyinin şahidi olmusuz?
- Konkret, yox!
- Nə vaxt biz sırf bəxt sayəsində qalib gəlmişik?
- Konkret, heç vaxt!
- Millimizin, yaxud klublarımızın hansı oyununda bizim arzuladığımız o "bəlkə"lər gerçək olub?
- Heç vaxt!
Belə suallar onlarladı, yüzlərlədi, minlərlədi, qardaşlar! Bəsdi, yalandan özünüzə təsəlli verdiz. Yuxarıdan getməyinizə hələ çox var. Ay nə bilim, Milanda tarix yazacaq "Qarabağ", nə bilim, La Skalanı zəbt edəcəyik, yox, "Qarabağ"lılar Apennin yarımadasında Siciliya Mafiyasinı əsir götürəcək və.s. və ilaxır kimi mücərrəd duyğular, bilirəm, yalnız biz azərbaycanlılardadı.
Arzu etmək yaxşı şeydi. Arzusuz, ümidsiz insan yaşaya bilməz. Fəqət, azca da realist olmaq lazımdı. Nə vaxta qədər "Ümid sonda ölür"ü qucaqlayıb axırda ağlayacaqsız. Kaş, belə olaydı, kaş, elə olaydı...
Arzu ədatlarının real məsələyə nə dəxli var, baş açammıram. Azərbaycan futbolunun indi ən bərkgedəni "Qarabağ"dısa, ən üst səviyyədə olsa belə, super dövrünü keçirsə belə, yenə "İnter"i yenəcək gücdə deyil! İnanmırsız buna? Doğrudan başa düşmək, dərk etmək istəmirsiz ki, "İnter"in quru tarixi nağıl, arzu yox, real mənzərədi?
"Qarabağ"ın böyük uğurlar qazanmasını istəməyənin iki gözü bir deşikdən çıxsın. Bu, qeyd-şərtsizdi. Amma məsələyə real yanaşaq da... Hələ dünənki oyuna toxunmuram. Ardıcıl neçə ildi "Qarabağ" "pley-off"dan geri qayıdırdı. Nəhayət, bu mövsüm - yəni ki, heyətin ən optimal formada olduğu mövsüm istədiyinə nail oldu. "Sent Etyen"lə oyunun nəticəsi necə olmalı idi? Bu sualı futbolu izləyən azarkeşlərimizin hamısına versəm, əlbəttə ki, bir cavab alacam - "Qarabağ" udmalı idi.
Bəs real nəticə nə oldu - 0:0
Niyə?
"Niyə"sini yaxşı bilirsiz. Arzu ədatları ilə doludu sualın cavabı...
Elə isə başını buraxın Reynaldonun da, Riçard Almeydanın da...
Elvin ƏHƏD
Elə isə başını buraxın Reynaldonun da, Riçard Almeydanın da...
Elvin ƏHƏD
