Azərbaycan Voleybol Federasiyasında yeni təyinatlar həyata keçirilib. Sportnet.az-ın məlumatına görə, federasiyada yeni prezidentlərin sayı artırılıb.
Faiq Qarayev I vitse-prezident, Vaqif Əliyev vitse-prezident vəzifəsində qaldığı halda, Elşən Əfəndiyev ("Azərreyl"in prezidenti), Vəsilə Abulova ("Azərreyl"in vitse-prezidenti) və Rəşad Abasov ("Lokomotiv"in prezidenti) bu posta təsdiqləniblər. Elşən İsmayılov isə baş katib vəzifəsində qalıb.
Daha bir təyinat isə idman şöbəsində gerçəkləşib. Şöbə müdiri vəzifəsi "Neftçi" futbol klubunun keçmiş icraçı direktoru Elnur Məmmədova həvalə olunub.
Qeyd edək ki, Cavid Qurbanov bir müddət əvvəl federasiyanın prezidenti vəzifəsinə seçilib.
